蒜蓉包 （半份）$20
你冇睇錯又係包，我睇人哋啲相好吸引，介唔到包但都要叫半份，罪惡感冇咁多，但其實半份都有四件，嚟到嘅時候好香，真係超級熱，都好脆，滿滿嘅蒜頭味，正呀🥰
叫咗一個長pizza $98，我哋揀咗辣肉腸，嚟到香噴噴，脆卜卜，芝士都多，幾好食。
佢咁多甜品而且我需要甜令我心情好一啲，我叫咗牛角包窩夫配雪糕球$55
係呢排好興嘅窩夫，可以揀配料，石板街，宇治金時，紫薯，鮮果（芒果，士多啤梨，香蕉）
揀完一款仲可以簡雪糕（朱古力，雲呢拿，綠茶，曲奇，榴槤），選擇都幾多，想要多球雪糕都係加8蚊。
擺盤都幾靚，我哋揀咗雲呢拿雪糕配一款鮮果，芒果份量都幾多，但唔係季節就唔甜啦。下面仲有啲忌廉同埋好多嘅Oreo碎。
足足兩件，真係好睇又好食，脆卜卜既感覺👍👍
嘢飲揀咗伯爵茶同埋柚子蜜，味道正常。
雖然地方唔大，但嘢食同埋環境都舒服，佢甜品真係好多款，如果下次經過我都想試埋其他嘅甜品，佢係連蛋糕都足足有9款，甜品到10款，窩夫仲有兩種選擇，好正🙈
仲有啲曲奇好精緻可以買黎食
