坐低咗先發現得一款鮪魚魚生飯，有齊大中細拖羅，價錢只係$158，咁嘅價錢真係足料有餘，重點係鮪魚好新鮮！
套餐配埋沙律，茶碗蒸同埋麵豉湯。估唔到茶碗蒸有驚喜，除咗滑滑嘅蛋之外，上面仲有啲蟹膏，超級好味！
我哋問店員可唔可以加錢要多一個茶碗蒸，可能餐廳仲係新嘅緣故，menu 冇呢樣嘢，店員就容許我哋加多$10要多一個茶碗蒸。另外值得一題嘅係餐廳提供嘅凍茶，並唔係一般日本餐廳嘅抹茶，而係有淡淡荔枝味嘅涷茶，感覺清新。如果有熱茶選擇就會更加好
銅鑼灣食魚生飯，我一向都去開某D 字頭連鎖店，但相信以後都會嚟呢度食la
1
