一間由同路人所開的台灣餐廳💛
每次經過都係見到長長嘅人龍起到等梗堂食同外賣
餐廳分上下2層
下層係廚房同外賣位🥡
堂食就要去樓上雅座
不得不提嘅就係餐廳嘅裝修
裡裡外外都有一陣懷舊嘅風格
加上餐廳仲販賣不少台灣嘅周邊商品
例如麵線、調味料、餐具etc.
-台式鹽酥雞- $54
佢地嘅鹽酥🐔雞真係無得頂
我覺得係全餐最好食嘅食物😍😍
雞肉非常嫩滑
炸皮好薄同埋炸得非常香脆
食落仲好juicy😋估唔到炸完之後仲可以鎖住肉汁
我完全係食到停唔到口🙈
個portion嚟講都算大
食極都仲有🤣
-基隆甜不辣- $52
同鹽酥雞compare嘅話佢就真係算比較普通
唔係話唔好食😂只係鹽酥雞做得太出色
甜不辣食落嘅感覺似麻薯
好煙韌好有咬口
同埋重蒜味
個人來講就唔太鍾意😳
-紅燒半筋半肉手工寬麵- $78
牛肉麵湯底非常濃郁😋😋
食得出應該用左好多時間同心機去熬製
佢啲牛肉同牛筋煮得好淋好入味🤤
有一種入口即溶嘅感覺🤣
手工寬麵都幾煙韌彈牙
但係就略嫌有一啲嘅麵會黐埋左一齊😖
所以有啲麵就會比較生😢
煮得無咁熟透
另外嗌牛肉麵仲包三樣配菜: 酸菜, 酸雲耳同油炸鬼
3款都做得非常出色
油炸鬼都仲係脆卜卜的
-酒香椒麻牛肉絲伴麵-$58
拌麵啲餸都好多
牛肉絲嘅份量完全cover唒啲麵🤩
食落d牛唔有甜甜地嘅醬汁味👍🏻
牛肉絲裏面有少少脂肪
所以食落都唔會話好「鞋」口
話説拌麵嘅酒香🥃我就真係食唔出
但係個麻香味就好重
越食越麻
食到最後條脷無咩知覺😝
要食番啲配菜先解到
呢間餐廳係·絕·對好食😍
一定會再去幫襯
