泰屋

Open Now

Now Closed

又係我大食妹為大家出去搵好野食既時候，今次就帶大家到一間位於旺角既泰式餐館，聽講佢地用上泰式廚師煮製食物，所以泰國水準十足。泰式菠蘿炒飯：用上原個菠蘿起肉後，再將菠蘿肉再放入飯中炒製，加上提子乾，鮮蝦，肉鬆，青豆，再用上泰式黃咖哩，絕對係泰式味十足既菠蘿炒飯，入口香甜，但不會太辣，大小朋友都岩。泰式燒雞：用上正宗泰式方法將雞燒製，所以雞肉非常乾身，食落同BBQ燒一樣，加上雞肉嫩滑，唔會太硬，加上泰式甜酸醬，食落非常開胃。馬拉盞炒通菜：去親泰國都會必叫通菜，因為菜菜葉幼嫩，加上馬拉醬十分惹味用來送飯一流，師父又唔會落太多油去炒，所以唔會太肥，絕對岩女性食用。今次，大食妹俾4個大食指數，因為食物質素本身有質素，廚師又有心去煮製，所以泰式菜朋友又多一個選擇。