海記合桃坊甜品 (Closed)

晚上食完飯，諗住去食甜品，朋友就介紹左呢間海記。因為時間尚早，入面唔係咁多人，所以好鬆動，感覺都坐得舒服。服務員殷勤地奉上餐牌，仲推介我地食乜好，佢強烈推介：紫薯雪樂冰芋圓豆腐花、芒果布甸，呢兩款屬於人氣甜品，個個都讚好。我地就跟佢推介咁叫，食落芒果布甸好鮮甜，無一般市面上芒果普遍帶果種酸味，芒果肉多汁好甜，真心唔錯！至於豆腐花有好香甜既極濃芋頭味，同豆腐花好夾，加上西米露啖啖都係西米，真係愛不釋手，難怪是人氣之選！