喜咖哩 (Closed)

屯門區有間~$50抵食餐廳，咖喱飯係日式，連餐廳格調都係日式，乾淨衞生。用優質食材，每日新鮮熬製，出街都食得健康👍🏻 終於唔係食拉麵先有得配溫泉蛋/溏心蛋喇，仲有好多選擇😙🍛招牌咖喱牛肋肉飯（可+$5 追加溫泉蛋）日式咖喱醬香濃，多汁，送飯一流，飯係珍珠米飯，粒粒乾爽分明，牛肋肉非常滑溜，食完好似補充到骨膠原嘅感覺☺️🍅蕃茄湯豬頸肉螺絲粉(可+$5 追加溏心蛋）小店堅持每日熬製番茄湯，飲得出係足料鮮甜，100%無味精，真材實料，螺絲粉浸喺濃郁番茄湯中都好入味😋豬頸肉係另上，照燒過嘅肉好嫩滑，好juicy!平日2點前食午餐，都有機會要等位，但咁啱今日1點8左右入去都仲有位👍🏻