六喜見 (Closed)

同朋友喺旺角shopping完梗係食埋飯先走啦，不過朋友最近減肥，所以想搵啲健康無添加嘅嘢食吓，我就上OpenRice睇吓見到有間新開特色麵館，全自家製無添加。睇到網上評價一人炸蠔餅同一人炸蟹餅，好多人推介，就點咗嚟試吓。蟹餅同蠔餅都係即叫即整，入口酥脆，蠔仔完全唔會有腥味。蟹餅淡淡蟹肉，超值推介。主食方面，我點咗海家漁湯蠔仔蟹肉湯飯，蠔仔份量足夠粒粒都大粒新鮮，蟹肉可以帶出魚湯嘅鮮味。同店員傾偈，得知原來餐廳魚湯每日新鮮自己煲，絕無味精添加，難怪咁鮮甜。朋友就點咗雙湯蟹籽雲吞撈麵，雲吞份量有五粒入面全部都有大大隻蝦，非常彈牙。撈麵質地軟熟乾身。但原來佢哋最出名嘅係手打豬肉丸同手打蝦丸下次一定要試吓。飲品方面，試咗自家製菊花茶，同埋自家製陳皮羅漢果。飲得出真係落足心機自己煲。