喜惶點心專門店

Open Now

Now Closed

二人晚餐之前未幫襯過，二人正找地點晚飯，路經有點心，香港點心應該差極有限，心想一試無防。坐下，只有普利及鐵觀音選擇。茶到，準備清洗一吓餐具，點知兩個柸都好油，污糟邋遢，取隔離位的柸洗一洗，就畀侍應問我幾多位（即示意做咩洗多隻柸，當然態度不佳啦），但如果貴鋪啲餐具衛生點，客人都唔會搵柸換啦，我嚟食嘢唔喺畀錢仲嚟幫你洗柸，之後茶壺加水仲大大力放下茶壺，服務態度極之不佳，基本禮貌都沒有，即刻無心情食，是但叫了三個點心食唔飽都算，拿拿聲食完走人。煎釀占椒： 唔錯、熱辣辣。鳳瓜排骨飯：一般，無特別，飯有飯香。布拉牛肉腸粉：牛肉世家，但牛肉完全無味，餡料份奇量少，是山竹牛肉質料，最奇怪喺腸粉厚身到不得了，咁大個人食過最厚、最硬身的，所以食好飽肚，賣腸粉簡直係獻醜。