Video
Read full review
2021-04-15
6705 views
之前幫襯過一次荔枝角嘅「Delifrance」食晏，就發現晌隔幾個鋪位開咗間新茶記「樂天冰室」，附設有麵包店，表示佢哋嘅包都喺現場新鮮做。見阿姐落力派單張，攞咗一張睇睇，有幾樣嘢好啱心水，所以，今日專登同老婆上完馬騮山行轉短山，回程取道到荔枝角，嚟「樂天」食個下午茶。 以附近嘅茶記計，「樂天」嘅環境算非常好坐，因為，地方大，裝修新簇，企理整潔，本身喺啲工業倉，所以，樓底亦稍高，以卡位為主，啲卡位也頗為闊落，舒服好坐，而好多防疫措施亦有做足。 基本現代茶記設定，就喺將所有餐具、調味料、紙巾，放晒晌枱邊嘅櫃桶。所有嘢都井然有序，排列整齊。唔好睇少呢樣嘢，從個櫃桶就睇到店家嘅管理及服務質素去到邊。 餐廳嘅所有食物都貼晒晌枱面嘅玻璃之下，一目了然，不過，亦有啲外賣單張攞，所以，就可以索性掃描出嚟俾大家參考，款式包羅萬有。招牌菠蘿油餐 $26因為見佢哋喺自己焗麵包，唔喺用來貨，自然「新鮮」好多，加上菠蘿油一向喺小弟心水，再者，配埋紅豆冰先賣$26，定價真喺非常平，點可以唔嗌呢個餐吖。個菠蘿包堅喺新鮮熱辣，怕件牛油嚟到已溶咗一截，所以，牛油另上，匙羹下面仲放咗啲冰粒鎮住件牛油。「菠蘿皮」勁脆口，而
以附近嘅茶記計，「樂天」嘅環境算非常好坐，因為，地方大，裝修新簇，企理整潔，本身喺啲工業倉，所以，樓底亦稍高，以卡位為主，啲卡位也頗為闊落，舒服好坐，而好多防疫措施亦有做足。
基本現代茶記設定，就喺將所有餐具、調味料、紙巾，放晒晌枱邊嘅櫃桶。所有嘢都井然有序，排列整齊。唔好睇少呢樣嘢，從個櫃桶就睇到店家嘅管理及服務質素去到邊。
餐廳嘅所有食物都貼晒晌枱面嘅玻璃之下，一目了然，不過，亦有啲外賣單張攞，所以，就可以索性掃描出嚟俾大家參考，款式包羅萬有。
招牌菠蘿油餐 $26因為見佢哋喺自己焗麵包，唔喺用來貨，自然「新鮮」好多，加上菠蘿油一向喺小弟心水，再者，配埋紅豆冰先賣$26，定價真喺非常平，點可以唔嗌呢個餐吖。個菠蘿包堅喺新鮮熱辣，怕件牛油嚟到已溶咗一截，所以，牛油另上，匙羹下面仲放咗啲冰粒鎮住件牛油。「菠蘿皮」勁脆口，而包身則好軟熟，牛油切得夠厚身，咁咬落去先有油感，並有少少冰火交融，好食、抵食。
招牌菠蘿油
83 views
0 likes
0 comments
經典紅豆冰紅豆喺老婆鍾意嘅食材，所以，紅豆冰歸佢，當然要少冰更合佢心水啦。打橫睇，就知落咗幾多紅豆，一啲都無欺場，而最緊要喺啲紅豆大粒又綿又清甜，加上大大杯，奶水唔會水汪汪無味，交足貨有突。
經典紅豆冰
81 views
1 likes
0 comments
常餐B $50常餐有ABC幾款選擇，同樣配火腿嫩滑炒蛋及香酥丹麥多士，正正配丹麥多士先相中嗌常餐。火腿就喺普普通通一塊火脈腿，但啲蛋確喺炒得好嫩滑，又極有蛋香；而丹麥多士烘得金黃，並且特別酥脆，比一般多士多份牛油香。
火腿嫩滑炒蛋及香酥丹麥多士
89 views
0 likes
0 comments
香煎豬扒湯烏冬三款選擇中，撈麵、烏冬、通粉，老婆對烏冬有點偏愛，所以，揀咗豬扒湯烏冬。最驚超喜喺只不過喺一份常餐，但塊豬扒勁大塊，冚晒成碟烏冬咁滯，煎到好甘香，入口肉質好鬆化；清雞湯底，味道唔差，而烏冬好滑溜，但又帶煙韌感，老婆極鍾意個烏冬。
香煎豬扒湯烏冬
135 views
0 likes
0 comments
常餐嘅餐飲就歸返我，因為可以揀熱奶茶，喺小弟去茶記嘅必然選擇。以上幾樣嘢食都有質素，去到奶茶，都唔失禮，色澤已經睇落幾有光澤，而茶底非常芳香，入口好醇厚，口感亦頗順滑。
上文都提及旖佢哋晌側邊開埋自己嘅麵包店，不時有新鮮麵包出爐，麵包晌櫥窗前排列整齊，此外，仲兼售曲奇。最後，我哋都順手買咗袋麵包拎返去俾家人試試。
對於今餐，我哋兩個都好滿足，除環境好，夠闊落，所嗌嘅嘢都無樣失望，好食，又食到好飽！老婆話，可以講喺近來食過最好嘅茶記。
Post
