店舖內座位數目有限 有高枱同兩三張四人枱 咁啱排到我地係坐高枱 可能女仔身高問題 會坐得唔係咁舒適😗
店員都好好禮貌 又係食嘢嘅期間主動為我地加幾次茶🍵 都幾窩心
炙燒三文魚丼 係炙熱咗嘅半生熟三文魚🔥 有整整六片咁多 而且每片都有一定嘅厚度 唔會薄到全塊都熟晒 咬落口仲有好香嘅魚油 再配埋麻醬 送飯一流
角切魚生丼 魚生份量好多 再加上有雙色蟹籽 有三文魚 吞拿魚 玉子 青瓜 色彩好豐富 啱晒啲鍾意乜都有少少嘅朋友🙊
特級吞拿魚蓉丼 賣相雖然一般 好似生嘅豬肉餅咁😂 但味道係非常新鮮嘅吞拿魚蓉 鍾意食吞拿魚嘅朋友一定會鍾意🥰
三個丼嘅質素都唔錯 好期待下次再試其他丼 因為選擇實在太多😛
