子鴨留香

一家四口去食，早已訂位，但要同walkin客排同一條隊等入，令人感覺同無訂位無分別，限時90分鐘，張枱又細，食物未趕得切食就係咁上菜，張枱都擺唔哂，攪到要拿拿臨食騰出空位擺，唔可以舒舒服服慢慢食，餸都未食完，就上埋甜品，個女侍應竟然話：（慢慢食），請問可以點慢？，未夠鐘就叫你埋單。總結：全餐飯嘅感覺就係佢地拿拿臨上哂d菜，張枱擺唔落就唔該你地食快啲，食完好拿拿埋單，趕頭趕命咁已經唔覺得食物質素有幾好，到我望一望門口，明哂，係要趕住做第二批客，唔會有下次，諗住開開心心帶兩老去食晚飯，結果令家人失望😮‍💨