文華咖啡冰廳 (Closed)

今早在紅磡四處找新地方食早餐，經過文華㗎啡冰廳門口，見到餐廳在角落頭有個無人坐的卡位，即飛身入內坐下來。擰起個餐牌望幾望就已决定來一客大大份的精選早餐($22)加通粉一碟($4)。 抱着一点懷舊加觀光的心情左望右望，了解吓這兒的食客的年齡及來自什麽階層。發覺到的人是嘆茶嘆報紙居多(咁啱我又係買咗份嘆報紙嘆早餐)，有年青亦有年長的人，開開心心的講吓身邊事及新聞時事，好warm啫!講到食物質素，整體都唔錯。煎雞扒 + 午餐肉 + 煎蛋 + 牛油多士煎雞扒絕對係驚喜之作!可能食慣快餐店的出品，很難想像到雞皮可以煎到咁香脆，雞肉又嫩滑，大廚好手勢! 午餐肉選用唔肥的餐肉，即煎的蛋及即烘的多士卻令人感動，連銷快餐店確難以相比!清湯通粉 – 簡單的通粉都煮得唔錯，味道okay!熱鴛鴦 – 又香又滑，令人回味!俾$26嘆咗個多小時，睇哂份厚厚的款報紙亦醫飽個肚，每個早晨都係咁就正呀!下次行過亦要買啲自家製麵包試吓!