瓏門冰室 (Closed)

之前聽人講話龍門冰室有好多新搞作，仲有米芝連大廚幫佢設計食譜，覺得點都要黎試下同支持下果然無失望，發現佢食譜精簡左但都多左好多新野，一坐低就見到有個雞翼獸套餐，啱哂食肉獸加雞翼控的我，塊西冷牛扒估唔到咁出色，好腍又無筋，薯條夠脆，真係水準之上另外雞翼竟然仲可以揀兩隻味，要左BBQ蜜糖，燒醬好惹味又不會過鹹，另外生啤楓蜜芥末有個醬另外點，甜甜地似美乃滋～～跟住仲要左個傳統英式早餐，真係十級豐富，個炒蛋睇樣都知好食，德國腸超juicy，薯餅夠脆，食到好滿足，如果個煙肉可以再煎脆啲，同大啡菇熱啲會更好乾炒牛河好考功夫，呢個都炒得夠乾身，牛肉大塊又嫩，我自己重口味加辣醬食仲正飲品都非常直得一讀，凍檸茶不外乎就係夠凍同茶夠濃味，無得輸整體來講真係進步左好多，都好開心有咁多人繼續幫佢，絕對有下次！