味江南 (Closed)

味江南，一間係尖沙咀樓上小型上海餐廳，已經去過N次食佢地中午套餐，而每一次都無失望。今次食紅燒獅子頭。有白飯，湯，甜品，飲品一杯(纸包飲品或熱茶）。可以加錢轉菜飯，加炒清菜，加小籠包。紅燒獅子頭上枱有兩大舊，差唔多有網球 size，一個人食份量非常足夠，加上有上海白菜伴邊。味道真係唔錯，D肉好入味，好嫩，(上海白菜一樣）。整體非常餸飯。粉葛老火湯唔錯，味道唔算太咸。甜品係木瓜雪耳，不過不失。基本上一句可以 summarize，水準高又平又好食 (大厨以前係雪園做）。Lunch $65 無加一，撰擇多，出菜快，坐得舒服，有飯，有餸，有湯，有甜品，有飲品！真係比一般快餐店好得多！绝對推介！