Read full review
2020-11-18
7966 views
好耐冇食過burger啦，今日過開嚟搵男朋友所以又可以去鴻圖中心搵Moo Moo。開放式嘅廚房令你可以見到廚師好忙碌咁樣幫你準備緊嘢食，成個feel好似外國嗰啲快餐咁。店舖細細但係裝修絕不馬虎，我覺得佢呢幅牆影相出嚟真係好靚，都可以打下卡。講返嘢食先，我仍然都係俾個菠蘿吸引咗，叫咗個熱帶之堡。佢個包依然都係咁鬆軟，望落去好吸引。一揭開滿滿嘅芝士，同埋一塊唔令人抗拒嘅煙肉，佢塊煙肉瘦嘅位多個肥嘅位，又唔會好似其他地方咁油笠笠。最重要嘅精髓就係佢塊菠蘿，真係又甜又Juicy。不過佢塊漢堡扒就好似薄過之前，話雖如此但係仍舊Juicy。男朋友就嗌咗佢個滋味雞堡，雖然餐牌有隻辣椒仔，但係其實一啲都唔辣。而佢塊雞扒超級厚肉之餘，仲爆多汁添。另外見佢新出咗個雞翼小食，一次可以是四隻唔同嘅味道。佢好細心咁樣幫我地將甜同鹹嘅味道分開擺。呢兩隻就係柚子蜜雞翼，柚子味好香，甜甜地，清清地都唔錯。另外三隻味分別係辣味，菜脯味同埋孜然味。菜脯就因為上面沈左啲菜脯，所以都幾特別，鹹鹹地又爽爽脆脆咁。但係辣味同埋孜然味就比較普通咗少少。
開放式嘅廚房令你可以見到廚師好忙碌咁樣幫你準備緊嘢食，成個feel好似外國嗰啲快餐咁。
店舖細細但係裝修絕不馬虎，我覺得佢呢幅牆影相出嚟真係好靚，都可以打下卡。
講返嘢食先，我仍然都係俾個菠蘿吸引咗，叫咗個熱帶之堡。佢個包依然都係咁鬆軟，望落去好吸引。
一揭開滿滿嘅芝士，同埋一塊唔令人抗拒嘅煙肉，佢塊煙肉瘦嘅位多個肥嘅位，又唔會好似其他地方咁油笠笠。最重要嘅精髓就係佢塊菠蘿，真係又甜又Juicy。
不過佢塊漢堡扒就好似薄過之前，話雖如此但係仍舊Juicy。
男朋友就嗌咗佢個滋味雞堡，雖然餐牌有隻辣椒仔，但係其實一啲都唔辣。
而佢塊雞扒超級厚肉之餘，仲爆多汁添。
另外見佢新出咗個雞翼小食，一次可以是四隻唔同嘅味道。佢好細心咁樣幫我地將甜同鹹嘅味道分開擺。呢兩隻就係柚子蜜雞翼，柚子味好香，甜甜地，清清地都唔錯。
另外三隻味分別係辣味，菜脯味同埋孜然味。菜脯就因為上面沈左啲菜脯，所以都幾特別，鹹鹹地又爽爽脆脆咁。但係辣味同埋孜然味就比較普通咗少少。
Post
