蘋果脆脆楓糖堅果奶蓋茶$40
因為佢本身已經會加入楓糖做底，配合奶蓋之下，我地揀左無糖走冰，一飲入口，非常好，女友鍾意飲蘋果脆脆連同奶蓋一齊食果下令人停不了手，奶蓋打到好滑又唔會太甜，蘋果既酸度令人好開胃，而楓糖既微甜又中和左蘋果既酸性，兩者相加底下相得益彰茶底唔會因為又酸又甜就被蓋過，飲落去一樣有濃濃既茶味，好難想像幾樣野撈埋一齊會有咁既效果
伯爵朱古力堅果奶蓋茶$48
佢寫明每日限量一百杯，咁就即管試試啦！不得了，個人口味我覺得呢個比起蘋果脆脆更好，自己本身對伯爵茶冇乜特別喜好，但佢呢個茶底襯落佢濃厚既朱古力味入面，只能話我被俘虜了，Nuttea既奶蓋一如以往打得好滑好厚，撈埋個朱古力食到我停唔到口，可可香味完全融入係杯野裡面，眨下眼就清左成杯野，唔控制自己既話真係會encore多杯都似
