熱記大排檔

Open Now

Now Closed

有朋友介紹的新食肆，趁七一假期一行六人去試它一試。到達時已座無虛席，好彩訂咗位，等咗兩三分鐘便可入座。全晚點咗九道菜式，先來一道老闆推介驚豔之極的凍馬友，魚質幼滑充滿魚香魚油，同行有位小朋友本身不愛食魚，但呢道凍馬友竟令佢一人食咗半條，好味之處真係不需多講，本人強力推薦！之後有椒鹽九肚魚和椒鹽鮮魷，惹味而不油膩，佐酒一流。涼拌魚皮，一個字爽！冰鎭東風螺，螺味鮮甜；孜然骨、黃金涼瓜、西蘭花鮮魷和真功夫炒飯全部鑊氣火候十足！一晚飲飽食醉之夜，此店食材新鮮，廚功十足，伙計服務落力，絕對係回頭之選，期待下次嘗試其他菜式。