八幡屋日本料理 (Closed)

呢日老婆話想食放題，即刻打電話訂台，因為<八幡屋日本料理>平日都好多人食，加上重新裝潢後推左多款新式美食。每人加$60升級體驗任食生蠔、珍寶赤蝦刺身、金目鯛、澳洲和牛壽司、日式海膽蒸蛋等等。我最鍾意呢度飲品選擇多，仲有唔少放題少見的飲品如蘆薈汁、忌廉溝鮮奶、梅酒等十幾款。而且訂座的客人可以有特別優惠六選一食物贈送添，老婆想自己DIY整小丸子，我都係第一次係餐廳自己整野食，幾有新意，而且會幫你溝好麵粉醬、餡料，自己親手整的特別好食。我點左唔少刺身，三文魚、北海道帶子、鮑魚片、希靈魚、赤目鯛，唔會太厚岩岩好，新鮮好味;而升級體驗仲可以食到大大隻的珍寶赤蝦、口感爽滑的油甘魚刺身，仲有新鮮生蠔添。我亦好鍾意食呢度的壽司，因為飯細細塊，上面的刺身大大塊，一啖岩岩好。今次的新推出的黑松露新系列非常特別，老婆好鍾意食。我就鍾意升級體驗當中的澳洲和牛壽司，牛味濃郁，仲有黑松露珍珠肝帶子、京蔥金目錭壽司都非常好味，食左兩次!!!熟食方面推介升級體驗中果個日式海鮮蒸蛋必食，蛋好滑，內餡豐富，上面大大份的海膽鮮甜。而串燒同炸物都好正，炸雞軟骨香唔會鹹，燒牛舌、燒雞翼非常入味，仲有我第一次食就