Be Leaf (Closed)

與期去駱駝大廈排隊等𨋢，我寧願行去後一條街食呢間。因為呢度環境優美光線充足可以打卡之外，最重要的係，呢到坐得舒服，啲枱都算大大張，而且仲可以帶埋寵物。-墨西哥芝士粟米片配牛油果酸忌廉蕃茄莎莎十分推介！👍🏻👍🏻👍🏻超級好味。粟米片好脆身，加上原本都有少少鹹味，越食越上癮，配上芝士牛油果鮮忌廉簡直係一流。而且個分量都唔係細。-香煎北海道刺身帶子蟹肉忌廉意大利飯個忌廉味都好出色，而且都好creamy 。帶子大大粒又好香，加埋三文魚籽，令意大利飯更加滋味。-香煎慢煮西班牙黑豚鞍肉質鮮嫩，帶埋少少肉汁，食落好juicy。值得一提，配菜用咗蜜桃牛油果🥑就配上酸酸甜甜嘅醬汁，食咗十分開胃。-蜜桃🍑&士多啤梨🍓沙冰唔會過分甜，飲落啱啱好。