Video
Read full review
2017-01-16
1155 views
話說好友成日同我推介呢間既龍蝦包好好好好好味！講左勁多次之後終於帶我嚟食喇。一場內到，當然要食龍蝦啦～我地叫左餐廳招牌1）龍蝦包-$188。2）龍蝦玉子燒$88龍蝦包用木盤上，配上藍白色嘅招紙，好美的說。叫呢個包要有增磅既心理準備。😳麵包係厚切既牛油方包，充滿奶油香。入面有少少沙律醬同埋沙律菜，同埋當然唔少得主角龍蝦肉啦！龍蝦包賣相好震撼，成大隻龍蝦鉗肉係面， 好吸引。估唔到個沙律醬同龍蝦肉又幾夾，個沙律醬又唔會多得滯，唔會蓋過龍蝦嘅鮮味。龍蝦肉好鮮甜，口感彈牙。蕃薯條同薯條份量都好多，之前食過其他餐廳嘅蕃薯條會太乾又熱氣，呢度唔會。沙律菜新鮮爽脆，兩個人食份量啱啱好。龍蝦玉子燒呢個菜式嚟到嘅時候又係好震撼。好少見有咁大份嘅玉子燒，仲有少少花瓣鋪係側邊，好靚。不過覺得面頭裝飾棵菜可以新鮮啲。我哋好似切蛋糕咁切開佢，龍蝦汁已經湧哂出嚟， 完全收制不及。玉子燒味道微甜，好滑好有蛋香。每切一件，都見到有龍蝦肉架！冇偷工減料。👍🏻大家記得要趁熱食啊！我哋兩個女仔好快就K.O.左件玉子燒。食飽想飲番啲甜野， 同好友share左一杯nutella hot chocolate $45。賣相好有冬日嘅
一場內到，當然要食龍蝦啦～我地叫左餐廳招牌
1）龍蝦包-$188。
2）龍蝦玉子燒$88
龍蝦包用木盤上，配上藍白色嘅招紙，好美的說。叫呢個包要有增磅既心理準備。😳
麵包係厚切既牛油方包，充滿奶油香。入面有少少沙律醬同埋沙律菜，同埋當然唔少得主角龍蝦肉啦！龍蝦包賣相好震撼，成大隻龍蝦鉗肉係面， 好吸引。估唔到個沙律醬同龍蝦肉又幾夾，個沙律醬又唔會多得滯，唔會蓋過龍蝦嘅鮮味。龍蝦肉好鮮甜，口感彈牙。蕃薯條同薯條份量都好多，之前食過其他餐廳嘅蕃薯條會太乾又熱氣，呢度唔會。
沙律菜新鮮爽脆，兩個人食份量啱啱好。
龍蝦玉子燒呢個菜式嚟到嘅時候又係好震撼。
好少見有咁大份嘅玉子燒，仲有少少花瓣鋪係側邊，好靚。不過覺得面頭裝飾棵菜可以新鮮啲。
我哋好似切蛋糕咁切開佢，龍蝦汁已經湧哂出嚟， 完全收制不及。玉子燒味道微甜，好滑好有蛋香。每切一件，都見到有龍蝦肉架！冇偷工減料。👍🏻大家記得要趁熱食啊！我哋兩個女仔好快就K.O.左件玉子燒。
食飽想飲番啲甜野， 同好友share左一杯nutella hot chocolate $45。賣相好有冬日嘅感覺，隻杯好靚。
面頭嘅棉花糖用火槍燒過，幾有心思。朱古力飲落會滲出淡淡嘅榛子味，又唔會蓋過兩者既味道。
埋單每人＄160左右，食咁多龍蝦，都算物超所值。
另外。值得一提嘅係侍應服務好好，會主動同我地添水同埋會久不久行過嚟睇下有我地有咩需要，幾細心。
Post
