吉列牛忌廉烏冬專門店 (百樂中心) (Closed)

呢間舖頭早排係網上瘋傳，搞到我好想食，一直都未有時間去，今日終於同朋友去食下啦。咖哩忌廉雞肉烏冬 $78白雪雪嘅忌廉打得好細緻，好似泡沫咁滑估到一點都唔膩，原本以為咁多忌廉食落一定覺得好肥膩，但相反。烏冬充滿咖哩汁，好香濃十分彈牙一濃一淡相得益彰，雞肉好嫩滑。美式頂級牛里脊套餐 $178上枱個陣牛里脊都幾生，店員比個爐你燒到自己中意嘅熟度，我自己中意食5成，牛里脊好林無筋，油脂分佈平均，好香牛味。芝士大啡菇好多汁，加上芝士帶有咸香。咸蛋薯條好正，好邪惡，薯條剛剛炸好熱辣好香脆，配上黑松露醬味道更佳。