Video
Read full review
2018-01-23
378 views
經開深水埗去黃金買野，順就係附近覓食。見仲係夜晚6點幾時間尚早，諗住去去幫襯未食過既文記車仔麵，平時經開都只係望門輕嘆，店外永遠都排住人龍，所以試唔到呢個南仔麵究竟有咩魔力，因咩解究排到咁長龍啲人都堅持要食。當時大約6點半左右，店外都有人龍為數6-8人，排左唔係好耐(約5-10分鐘)，係排隊時要望餐牌諗定食咩方便點餐(埋位到點餐區即點姐姐就會即淥，最少要點兩餸)。點左間鋪重點推介既玻璃魷魚、雞翼、雞腎、豬紅同螺肉配油麵加辣。點完如果堂食就可以自已行埋去吉位坐底，姐姐會幫你扲過黎(我仲傻到以為要自己捧埋枱食，姐姐會好心提你行埋去坐就得)。因為係熱店既關係，所以店內既位都坐得七七八八，好彩仲對情侶剛剛食完，攝到個枱角位坐，叫做無咁迫(店內座位與座間超迫，要夾住雙臂食麵)。即住即有得開餐，試左啖車仔湯，我諗如果唔加辣會正好多，湯味好濃好入味，加左辣有啲破壞左佢車仔湯底既精髓。跟住當然逐餸試，間店力推既玻璃魷魚無咩味，完全食唔到有咩特別，彈牙?入味?都係食唔出有咩特別咧。雞腎、豬紅就同外面既車仔店既味差不多，又係唔覺有咩特色，係雞翼同螺最好味，兩者不單入味，前者鹵得好份味而肉不散，外層雞皮鹵得
當時大約6點半左右，店外都有人龍為數6-8人，排左唔係好耐(約5-10分鐘)，係排隊時要望餐牌諗定食咩方便點餐(埋位到點餐區即點姐姐就會即淥，最少要點兩餸)。點左間鋪重點推介既玻璃魷魚、雞翼、雞腎、豬紅同螺肉配油麵加辣。
點完如果堂食就可以自已行埋去吉位坐底，姐姐會幫你扲過黎(我仲傻到以為要自己捧埋枱食，姐姐會好心提你行埋去坐就得)。因為係熱店既關係，所以店內既位都坐得七七八八，好彩仲對情侶剛剛食完，攝到個枱角位坐，叫做無咁迫(店內座位與座間超迫，要夾住雙臂食麵)。
即住即有得開餐，試左啖車仔湯，我諗如果唔加辣會正好多，湯味好濃好入味，加左辣有啲破壞左佢車仔湯底既精髓。跟住當然逐餸試，間店力推既玻璃魷魚無咩味，完全食唔到有咩特別，彈牙?入味?都係食唔出有咩特別咧。
雞腎、豬紅就同外面既車仔店既味差不多，又係唔覺有咩特色，係雞翼同螺最好味，兩者不單入味，前者鹵得好份味而肉不散，外層雞皮鹵得帶甜，食兩隻有點意猶未盡，螺肉都頗大粒，彈牙中帶點爽口。
因為呢餐係味精天使既關係(車仔麵預左一定多味精的了，咁先係真正既車仔啊哈)，食緊麵時已感覺好口渴，再點左杯凍奶茶。整體來說，味道不錯，唯未算佳 (可能因為食過分別位於荃灣同上環兩間達至神級既車仔麵，所以有明顯對比，確實未至於排長龍就係為左食一碗唔算特別好味，但又要同人迫到夾麵都唔方便既車仔麵。
未食過可以一試的說。
排隊點餐到食完前後不過20-25分鐘，離開時都只是7點，已見門外人龍一直延伸伸伸伸伸伸……….好多時真係會見到人排我又排既心態去食野，我都係間歇性分子(不過會係非黃金時間出沒，省卻排長龍時間)，有時真係要試過先知。
Post
