當文歷餅店 by Dominique Ansel (Closed)

來自紐約過江龍甜品店當文歷，以港式茶餐廳及港式小食為主題製作出外型別緻甜品。 適逢海港城呢期狂出coupon優惠,買滿$100減$50，終於決定一試呢間想試好耐嘅當文歷。店內設有打卡位及堂食位置。今次不用排隊，而且還有聖誕限定甜品。不過第一次還是想先試招牌黑白奶罐$65 及紙包檸檬茶$62黑白奶罐 $65白朱古力造成黑白奶罐作為焦糖海鹽奶凍嘅器皿，布甸焦糖味道超濃郁軟滑，仲有陣陣海鹽味，底部有冧酒海綿蛋糕，口感像tiramisu 浸手指餅嘅口感。紙包檸檬茶 $62 同樣朱古力外皮造成紙包檸茶造型，入面伯爵茶味道非常濃郁、夾層還有佛手柑奶酪酸甜味都幾突出，蛋糕味道絕對配合檸檬茶外型，內層亦可看到有很多不同口味夾層，幾有心思。整體味道不錯，值得一試，可惜價錢偏貴。