終於裝修完喇, 排位同以前差唔多, 但多左個感覺就係花樣年華既感覺, 用餐時仲會播中式背景音樂, 全場人傾計都唔會好大聲, 所以添左一分貴氣.
上海野, 前菜梗係食D涼菜, 雞絲粉皮一向都係必點, 不過餐廳加左火腿絲, 變為三絲粉皮, 雖然色澤係靚左, 但火腿絲稍為重味, 不過麻醬比平常既淡, 食完唔會仲有好咸既感覺.
鱔糊都係食完唔會有太咸既感覺, 相比鱔條, 韮王既比例好似多左D.
小籠包都係必點既, 塊皮薄得黎, 夾起唔會穿, 肉湯仲可以留係包入面, 不過肉味就唔係好夠, 有好有壞.
每一間上海店都唔一定會有哩一味, 強烈推介蜜汁火方, 如果見到有, 就不妨叫黎試下. 但係哩款做法有D唔同, 無左青瓜同薄脆增加口感, 蜜糖亦比較稀, 正常個口感係有包既鬆軟, 加上金華火腿既咬口, 同埋青瓜及薄脆既爽脆, 拼上火腿既咸味, 蜜糖既甜味, 互相中和, 非常有層次. 所以哩款就爭少少喇, 不過加左好多蓮子墊底, 增加甜味之餘, 亦吸收左火腿既咸味, 係有少少特別既.
本身諗住唔嗌主食, 用粢飯黎代替, 因為出街唔係度度都可以食倒好味既, 所以諗住試一試, 點知強差人意, 入面條油炸鬼硬到好似條骨咁, 炸菜又比較少, 糯米偏硬, 只有個賣相比較得意.
整體都可以既, 因為所有野食完都唔會Keep住好咸, 比其他餐廳, 感覺係有益D既. 重點係, 而家Openrice訂座, 堂食正價餐牌有八折.
(補充菜單)
