✢ 牛油果蟹肉脆餅 $88
一啲唔細份嘅starter! 餡料多到唔係依靠沙律醬堆砌 真係蟹肉 + 魚子點綴 加埋牛油果整體幾fresh 欣賞佢底層塊多士承受咁重嘅餡料都無腍到👍🏿
✢ 生牛肉他他配鵪鶉蛋多士 $128
不得了🤡有食過Tartare 但無食過差唔多手掌咁大又厚嘅生牛肉餅！口味一啲都唔腥 適當地撈埋哂啲香料、洋蔥蕃茄粒 再擺係烘麵包上食 每人食兩件講真係會飽肚！側邊撈埋點芥末醬+椒仔 味道上更有點綴xd
✢ 炭燒黑毛豬梅頭 × 烤日本甜薯$298
一上碟超香🤤黑毛豬肥瘦適中 火喉亦掌握得恰好 鎖住啲肉汁 基本上唔點醬直接食 已經夠味又爽口👍🏿On side係塊芝士釀大啡菇 非常juicy 可惜位係拉唔到絲 但甜薯仔烘烤得好突出到佢嘅甜薯味🍠另外有啲爽口大蔥粒做配料調劑下不錯xd
✢ 蘋果金寶配精選雪糕 $88
飯後甜品黎講🤤呢個份量真係食到飽上心口！On top大大塊Vanilla雪糕啱哂撈埋啲香酥crumble食 冰火交融get! 下面嘅蘋果肉桂片足料又軟糯!
9
