不吃不可 (Closed)

一直想食車仔面，但屯門好食既車仔麵，我之前真係未食過。今次試左呢間，味道唔錯，環境都算乾淨，下次可以再黎食啦。叫左雞翼尖，紫菜河，餸既份量都算多。每個送平均$7-$9，粉面就$11。腩汁夠濃味，好味。我朋友就叫左咖哩魚蛋同牛腩。嘩，d牛腩勁淋，勁入味，細細舊咁，一口一粒，正。個咖哩都好得，好香咖哩味。下次食一定要揀咖哩汁先。順帶一提，落單果姐姐好有禮貌，好少見車仔面店D職員咁有禮貌，仲好好笑容添。