Video
Read full review
2023-02-02
50 views
2 小時任食都系單一收費三百幾。座位寬敞舒適，有卡位都有大圓枱。侍應唔多但反應超快，收碟上菜神速，而且落單冇減量，都係跟足 order 比，所以建議一次唔洗叫太多。.✔ 日 式 燒 肉 兩 小 時 放 題晚 餐 時 段 𝟔-𝟖𝐏𝐌 // Mon-Thu $308 Fri-Sun $338晚 餐 時 段 𝟖-𝟏𝟎𝐏𝐌 // Mon-Thu $338 Fri-Sun $368宵 夜 時 段 𝟗:𝟒𝟓𝐏𝐌 後 // Mon-Thu $288 Fri-Sun $298任 何 時 段 小 童 長 者 // $228.依度落單係用紙仔，menu 成本字典咁厚食物款式超多樣化，雞牛豬羊都有齊，鍾意食咩都得。如果想試嗮全部款式，兩個鐘真係唔係好夠用 ( ꒪⌓꒪).- Green Garden 野 菜 沙 律 -泰式生蝦爽甜，醬汁少辣清新。超級大兜牛油粟米，黎到熱辣辣好香啊～蔬菜都有精心配搭過，推介燒菠蘿、黑松露雞髀菇、芝士翠玉瓜 & 香草牛油冬菇。另外仲有提供生菜，可以包住肉一齊食，減少油膩感。.- 𝑺𝒂𝒔𝒉𝒊𝒎𝒊 𝑺𝒖𝒔𝒉𝒊 壽 司 卷 物 - 壽司大小非常合適，全部都係一口 size，唔會太飽。
.
✔ 日 式 燒 肉 兩 小 時 放 題
晚 餐 時 段 𝟔-𝟖𝐏𝐌 // Mon-Thu $308 Fri-Sun $338
晚 餐 時 段 𝟖-𝟏𝟎𝐏𝐌 // Mon-Thu $338 Fri-Sun $368
宵 夜 時 段 𝟗:𝟒𝟓𝐏𝐌 後 // Mon-Thu $288 Fri-Sun $298
任 何 時 段 小 童 長 者 // $228
.
依度落單係用紙仔，menu 成本字典咁厚
食物款式超多樣化，雞牛豬羊都有齊，鍾意食咩都得。如果想試嗮全部款式，兩個鐘真係唔係好夠用 ( ꒪⌓꒪)
.
- Green Garden 野 菜 沙 律 -
泰式生蝦爽甜，醬汁少辣清新。
超級大兜牛油粟米，黎到熱辣辣好香啊～蔬菜都有精心配搭過，推介燒菠蘿、黑松露雞髀菇、芝士翠玉瓜 & 香草牛油冬菇。另外仲有提供生菜，可以包住肉一齊食，減少油膩感。
.
- 𝑺𝒂𝒔𝒉𝒊𝒎𝒊 𝑺𝒖𝒔𝒉𝒊 壽 司 卷 物 -
壽司大小非常合適，全部都係一口 size，唔會太飽。
大部份刺身都係厚切。推介馬刀貝刺身，新鮮爽脆！
.
- 𝑭𝒓𝒊𝒆𝒅 𝑭𝒐𝒐𝒅 唐 揚 揚 物 -
全部即叫即炸，而且粉漿唔厚。推介試海老天婦羅、芝士餃子。榴槤炸彈係店內人氣 no.1，香脆外皮包住滿滿流心榴蓮餡，朋友連續啪左 5 粒。
.
- 𝑩𝒆𝒆𝒇 騷 肌 牛 皇 -
肉類醃製做得好，大部分唔洗點其他醬食已經好夠味。肉片切得比較薄，所以要控制好時間，牛肉中火每邊燒大概 15 秒就夠。推介黑毛飛霜空降和牛、牛裡肌、汁燒安格斯骰仔粒。依幾款牛味濃，油脂分佈平均，口感軟稔。另外仲有多款醃肉，推介壺漬牛粒 & 果酸酵素系列，有鮮番茄味同埋酸酸甜甜既西柚汁。
.
- 𝑷𝒐𝒓𝒌 惹 火 豚 后 -
推介蜜運豚后肉，又係薄薄一片好快熟，肥瘦相間，邊緣位置可以燒到微焦。濃郁 BBQ 醃料吊出鮮味，甜甜地食落好香口。
.
- 𝑪𝒉𝒊𝒄𝒌𝒆𝒏 殼 飼 鳥 雞 -
雞中翼全部切開單骨，燒得比較快熟，推介柚子蜜薑味 / 生薑味。黑椒雞腿肉腍滑又 juicy，都係必試～
.
- 𝑯𝒐𝒕 𝑷𝒊𝒄𝒌𝒔 燒 魂 潮 流 -
丸類每款都好特別，推介試薑汁皮蛋貢丸＋超爽彈澳洲草飼和牛丸。
.
- 𝑫𝒓𝒊𝒏𝒌𝒔 飲 品 -
晚餐時段係Coke / Coke Zero / 解茶 / 荔枝烏龍茶任飲，宵夜就 + $30 可以任飲，或者酒精類飲品有半價。
.
整體質素對得住個價格，特別係燒肉比我預期中好好多。以價錢黎講有咁多款式真係好抵食 .ᐟ.ᐟ 以上推介其實只係 Menu 三分一左右，另外仲有好多熱食 e.g. 蠔仔粥烏冬炒飯我都已經冇位試。
服務好有效率而且細心，店員經過見到我地搶嗮火咁，都有細心提示比較惹火既肉類放係旁邊燒比較好。
- - - - - - - - - - - - - - - - -
FOLLOW IG @ FISWEET FOR MORE.
Post
