Mainichi

該國朋友推介下試咗幾次嘅居酒屋，獨自一人既能清靜享受美食；呼朋喚友推杯換盞亦能暢快笑談浮生逸事。小店風味，未必每每迎合大眾，不過冷暖自知。
「鬧市內很多驚世駭俗」可是對於客人 對於店家 生意以外 更多是一場場緣份。
吃的是師傅的手藝，更有主事者的理念和信仰，有人情，有世故，有掙扎，有心事。
我們每個人過著怎樣的日子，幸不幸福，富不富足，就如食物的口味，不一定要迎合大眾，因為小眾的幸福同樣是幸福。

請不要刻意迎合我。因為我光顧的從來不是來去匆匆的逢迎，而是你不落俗套的初心。

本身我囂張咁同人講而家好少食街嘅牛扒/牛舌芯因為買到靚肉自己都整得到。但朋友個個都係牛舌控，我就好唔情願咁叫俾佢哋食。黐線….點知真係好好食😅😅🤣🤣 我認我膚淺狹隘自大。

活魚真心值得叫。赤羽太好少有，上桌時魚眼魚頭狀態係仲游緊水咁款。魚肉彈牙帶魚鮮味，就算唔點酸汁齋食亦出色。價位亦十分可以接受。有機會試萬勿錯過。

喜歡唔太甜嘅鍋。牛肉份量慷慨，睇得到嘅嫩滑，加埋日本生雞蛋入口有肉香、油脂同蛋香、湯汁混合之美味。可以追加鍋物配料，前提係要諗方法維持鍋嘅溫度。

1

個人深愛燒鵝肝嘅濃重油脂香味，對呢個冷盤期望不大。實在人係必要放開心胸，放眼世界—— 又一次證明自己嘅短視、傲慢同狹隘。絲滑嘅口感加上清香爽甜嘅柚子蘿蔔，必須要親自試過再親下註腳，親身定義。

燒白鱔同雞心仲有雞皮係個人心水。必叫。唔食好似冇幫襯過咁。🤤🤤🤤 串燒高質

肯賣咁靚嘅拖羅真係落足本。靚貨🥰

肥美爽甜濃郁蠔味同海水味。極新鮮，開蠔功力強，仲有少少柚子汁調味更帶出鮮美

難得地輕盈酥脆唔油膩。百吃不厭。

紫蘇梅酒有紫蘇清香 梅子酸甜 可解膩 增加食慾