記得高峰期嘅時候排隊排咗個半鐘先食到
今日星期日嘅下晝兩點嚟到食，等5至10分鐘，兩三張枱就入到
因為叫一份肉骨茶就可以無限添飲肉骨茶湯， 所以叫咗份三層肉
第一次叫呢一個，之前次次都係叫一字骨
感覺呢份量比較少，
圖片只供參考， 同餐牌張相有啲出入另外上面有幾粒杞子，但係杞子係後尾先放去上去，所以係硬心嘅
朋友就不斷不斷不斷講話要咖央多士，就叫咗一份，都幾好食，感覺有啲似奶油多
叫咗一個老鼠粉， 個煲仔唧唧聲響非常之熱
侍應提醒我哋要將上面隻雞蛋快撈打開
應該係怕黐底，不過食到最尾點都係有啲黐底
整體滿意，兩個人叫咗三樣嘢
價錢大約一百八十幾蚊
唔算太平都唔算特別貴
咁唔到嚟食下都幾過癮
