炑八韓烤親子餐廳

Open Now

Now Closed

其實我好鍾意食韓燒㗎！但係小囡出世之後都冇乜機會食。帶小朋友去食韓燒咁麻煩，真係諗都唔敢諗啦！而家終於有機會喇！呢間 #炑八韓烤親子餐廳 ，可以俾大人食韓燒之餘，又可以有地方俾小朋友玩。各自各享受，真係冇得彈！而且呢度最最最最最特別嘅地方就係有韓服體驗。可以着住韓服喺呢個「韓屋」嘅「街道」周圍影靚相，真係好特別又好靚！如果人多，仲可以預訂「韓屋」房。攪生日會、一齊玩「穿越」party真係夠特別！除左大玩韓服Look影相呃like之餘，仲有親子餐廳必備波波池。💗大大小小嘅粉紅粉藍夢幻系波波池。仲有必備嘅滑梯。放電冇難度！💓當然有小朋友最愛嘅木制廚房、化妝枱、收銀機。玩到唔肯走！明明屋企都有。呢度好玩啲咩？💗文靜小寶寶可以畫畫睇圖書！💗男孩子最愛火車軌、工具玩具。💗少見嘅巨型層層疊。砌果下好玩，推果下仲好玩🤣而大人就可以慢慢嘆韓燒。 套餐份量夠多。我地2個2人餐都食唔晒。價錢唔貴。肉夠新鮮又入味。我湊住小囡有時烤耐左都唔韌。配料好豐富，連包肉配嘅菜都好多款。2人餐$210已經有4款烤肉加一個飯。大量配菜...真係抵食。 而我最欣賞喺佢地小朋友嘅細心程度。墊枱子係可以填顏色。餐廳跟埋顏色筆。