怡紅院火鍋料理

Open Now

Now Closed

終於去到怡紅院打邊爐☺️打卡就好了，去一次就好了因為呢間野好出名，裝修又好有特色，我哋一行六人都好期待。佢其實整體來講呢嘢食都還好嘅，唔會話特別好食，但係打邊爐來講，質素都OK嘅，不過性價比就低咗啲啲，價錢有啲偏貴，六個人食咗$4500 ，其中覺得最好味就係個鮑魚雞煲，唔辣嘅，佢個鮑魚好惹味，仲要好彈牙，唔會話切到好細粒，真係每人都分到一至兩粒嘅，同埋睇得出唔係罐頭鮑魚囉，另外啲雞呢都好滑好嫩，最開心係成煲食完之後，佢會再加湯變打邊爐，但係略嫌加咗湯之後呢個湯底好淡，相反另一邊嗰個沙嗲湯底呢就超好味，唔會好稀，係好濃味，我掉咗個出前一丁落去食呢簡直係一流呀，當然用嚟涮肥牛都唔錯啦，總括言之呢間野就一般般啦，但打卡都要嚟一次嘅。