微辣大排檔 (Closed)

聽朋友講微辣開咗實體店，女友係辣粉，所以陪佢黎食下。中午一點到達，人山人海，幾經辛苦終於拎到張籌，等入場中要一贊門口帶位的哥哥，俾咁多人圍住都逐一解答客人的提問。雖然多人排，但都唔算等太耐，順利入場。坐低後，餐廳用二維碼自助落單，面版易用，眼見隔離婆婆都用到，女友點咗個自選5餸面配微辣汁同鐘意加葱，我就微辣芝士漢堡配薯條。完全想像唔倒微辣搞笑拿手啫，原來整車仔麵都係有要求，湯底正常，豬皮有咬感入味，咖哩魚旦係用陳皮魚旦做，羅白食落好清甜無根，最重點係嗰微辣辣汁，少少辣不過好香，唔知師傅用咩方法整到咁好食。芝士漢堡係用免治豬肉做去買溶化左嘅芝士，問左店員原來果汁唔喺現成，喺自家特別調配配襯免治豬肉令口感食落唔肥膩。總結：兩個人去朝聖主題餐廳連加一200左右，收費完全合理，何況食物質素比我想像中在水平之上，樓面侍應著住的制服很有懷舊感覺