Video
Read full review
2022-09-18
161 views
《富山麵家– 銅鑼灣》拉麵一直以黎都係我既comfort food，特別係去日本旅行既時候幾乎每日都會試一間拉麵店😌今次去左試食一間都幾多人評價過既港島區拉麵，因為同My Melody 聯乘既關係，好多人都有去呢度打卡🤓而我就因為比佢個牛奶湯引到過去的😂雞白湯、醬油湯就食得多啦🤔牛奶湯唔知係咩玩法呢😆當日去到大約晚上七點，人流都幾多，可能啲人收工食飯時間，遲多少少黎都真係要等位😅，我同朋友兩個人都各叫左一個麵同一款小食share，仲叫埋飲品添💁🏻♀️冠軍黑醬油拉麵 $85朋友點咗呢個拉麵因為見到佢黑蚊蚊以為係黑蒜油，但食落原來甜甜地有少少似馬來西亞嗰種黑醬油既湯底，拉麵係粗麵所以都幾掛湯，個叉燒睇落都算厚身，不過我只係試咗一啖湯同面，費事食左佢啲叉燒比人打😂💁🏻♀️黃金蟹糕牛奶沾麵 $95我就慕名而來食牛奶湯嘅，但由於本人對沾麵有情意結，所以見到有沾麵都偏向會揀咗先，個牛奶湯比較稀身，但飲得出牛奶果種獨特嘅味道，不過唔算十分掛到湯，所以我會𢳂一羹湯再夾一住麵同少少蟹膏一齊食💁🏻♀️富山雞翼 $48雞翼個汁用咗少少蜜糖，個皮又脆卜卜又甜甜地，零舍開胃，我發覺我都幾鍾意食甜口嘅雞翼🤓💁🏻
拉麵一直以黎都係我既comfort food，特別係去日本旅行既時候幾乎每日都會試一間拉麵店😌今次去左試食一間都幾多人評價過既港島區拉麵，因為同My Melody 聯乘既關係，好多人都有去呢度打卡🤓而我就因為比佢個牛奶湯引到過去的😂雞白湯、醬油湯就食得多啦🤔牛奶湯唔知係咩玩法呢😆
當日去到大約晚上七點，人流都幾多，可能啲人收工食飯時間，遲多少少黎都真係要等位😅，我同朋友兩個人都各叫左一個麵同一款小食share，仲叫埋飲品添
💁🏻♀️冠軍黑醬油拉麵 $85
冠軍黑醬油拉麵
12 views
0 likes
0 comments
朋友點咗呢個拉麵因為見到佢黑蚊蚊以為係黑蒜油，但食落原來甜甜地有少少似馬來西亞嗰種黑醬油既湯底，拉麵係粗麵所以都幾掛湯，個叉燒睇落都算厚身，不過我只係試咗一啖湯同面，費事食左佢啲叉燒比人打😂
💁🏻♀️黃金蟹糕牛奶沾麵 $95
黃金蟹糕牛奶沾麵
8 views
0 likes
0 comments
我就慕名而來食牛奶湯嘅，但由於本人對沾麵有情意結，所以見到有沾麵都偏向會揀咗先，個牛奶湯比較稀身，但飲得出牛奶果種獨特嘅味道，不過唔算十分掛到湯，所以我會𢳂一羹湯再夾一住麵同少少蟹膏一齊食
💁🏻♀️富山雞翼 $48
富山雞翼
35 views
0 likes
0 comments
雞翼個汁用咗少少蜜糖，個皮又脆卜卜又甜甜地，零舍開胃，我發覺我都幾鍾意食甜口嘅雞翼🤓
💁🏻♀️肉汁滿滿餃子🥟 $42
肉汁滿滿餃子
26 views
0 likes
0 comments
餃子一客有五件，個皮係薄皮而且有冰花邊👍🏻入面嘅餡應該係椰菜同豬肉，咬落都幾多肉汁
💁🏻♀️冷泡蜂蜜綠茶 $15
成日睇相見到人哋拎住呢杯野打卡，今次終於到我啦，不過蜂蜜綠茶對我嚟講比較甜，我個人鍾意無糖茶多啲😉但係食拉麵呢啲重口味嘅嘢飲呢個蜂蜜綠茶個味道都幾夾
💁🏻♀️日本巨峰炭酸飲料 $18
呢款炭酸飲品成日喺不同日式餐廳都見到😂我朋友竟然話未見過🤔所以貪得意叫咗，不過我唔飲汽水的，所以我就無試啦
最後我地兩人食埋單大約$300左右，我地飽到飛天人均都只係$150超抵食😉性價比算高
Post
