睇得出好多都係熟客，隔離檯哥哥見我裝佢條魚，就話今日星班唔係好滑，叫紅柚好啲 🤣🤣🤣 好啦就聽佢講叫咗，的確唔錯，啲配菜好好味，差不多比我清晒 🙈
家鄉釀涼瓜可以每件叫，我哋叫咗 4 件，個涼瓜咸咗啲，但釀嘅肉好好味。
客家咸雞叫咗個例牌，$35 性價比高，好味，啲薑蓉又比我夾晒 😅
豉油王炒麵加大咗 2 人份，覺得都係咸咗啲，可能呢幾年食嘢清咗，出街食咸小小會覺得偏咸。
仲有例湯無影相，好好味，仲可以添飲，成件事好得囉。
雖然好似叫咗好小嘢，但我真係攬住個肚走，要去散一散步先返屋企 🤭🤭
1
1
