Video
Read full review
2019-12-24
739 views
原本想食阿拉斯加蟹當晚餐，去到原來加咗價已經唔抵食，見隔離新開咗間上海菜食店，店員在派優惠劵送小籠包，不如試新嘢啦。店內裝修清新明亮，入坐時剛開始晚市，剛好坐到最後一個2人卡座。🥰坐位枱旁有插蘇位，又有USB叉電位，好貼心。茶包共有5款：人蔘烏龍、胎菊、普洱、鐵觀音、茉莉。每人可以揀自己喜愛的口味，各自有一個小茶盅泡茶，有啲一盅兩件感覺。人蔘烏龍甘香不苦澀，回甘順喉，正喎。門口派嘅優惠劵，响唔同日子有唔同優惠，未用得嘅可以留返下次用。今日送嘅係上湯小籠包，小籠包皮薄多汁，饀料鮮味。店家有紫砂燉湯供應，啱曬好耐無飲湯嘅我哋，花膠螺頭干貝燉雲吞雞湯雞湯係用紫砂煲裝住，見湯水仍然在微微滾動，保 溫 效 果 甚 佳。材料好豐富：花膠、螺頭、干貝、半隻雞、雞腳幾隻、圓肉...湯水味道濃郁又鮮味，花膠既可潤膚養顏，也可強健骨骼，夠曬滋補。雲吞係另上，建議快啲食，因為好快攤凍。雲吞肉味鮮甜，菜與肉比例剛好，好味。湯量不少，食埋雲吞湯渣，又食咗小籠包，已經非常飽足，但又忍唔住叫咗兩個甜品。雷沙湯丸放在木板上，湯丸面上灑滿豆粉，內裡有黑芝麻流沙餡，又香又甜又養顏。高力豆沙配雪糕$56高力豆沙上枱時外皮夠
原本想食阿拉斯加蟹當晚餐，
去到原來加咗價已經唔抵食，
見隔離新開咗間上海菜食店，
店員在派優惠劵送小籠包，
不如試新嘢啦。
店內裝修清新明亮，入坐時剛開始晚市，
剛好坐到最後一個2人卡座。🥰
坐位枱旁有插蘇位，
又有USB叉電位，好貼心。
茶包共有5款：人蔘烏龍、胎菊、普洱、鐵觀音、茉莉。
每人可以揀自己喜愛的口味，
各自有一個小茶盅泡茶，有啲一盅兩件感覺。
人蔘烏龍甘香不苦澀，回甘順喉，正喎。
門口派嘅優惠劵，响唔同日子有唔同優惠，
未用得嘅可以留返下次用。
今日送嘅係上湯小籠包，
小籠包皮薄多汁，饀料鮮味。
店家有紫砂燉湯供應，啱曬好耐無飲湯嘅我哋，
花膠螺頭干貝燉雲吞雞湯
雞湯係用紫砂煲裝住，見湯水仍然在微微滾動，
保 溫 效 果 甚 佳。
材料好豐富：花膠、螺頭、干貝、
半隻雞、雞腳幾隻、圓肉...
湯水味道濃郁又鮮味，
花膠既可潤膚養顏，也可強健骨骼，夠曬滋補。
雲吞係另上，建議快啲食，因為好快攤凍。
雲吞肉味鮮甜，菜與肉比例剛好，好味。
湯量不少，食埋雲吞湯渣，又食咗小籠包，已經非常飽足，
但又忍唔住叫咗兩個甜品。
雷沙湯丸放在木板上，湯丸面上灑滿豆粉，
內裡有黑芝麻流沙餡，
又香又甜又養顏。
高力豆沙配雪糕$56
高力豆沙上枱時外皮夠挺，最好即刻食，蛋白皮薄鬆軟，
配埋豆沙餡更好食。
雪糕上加咗棉花糖同朱古力醬，個人就比較偏好食淨雪糕。
今日飲咗湯食唔到其他嘢，下次再嚟試吓其他。
Other Info. :
茶$9/位，10%服務費
(The above review is the personal opinion of a user which does not represent OpenRice's point of view.)
Post
