noc (圍方)

Open Now

Now Closed

餐廳潔白明亮，文青嘅環境令人感覺悠閒。👌🏼經典配搭酸種包(牛油果片, 珍寶蟹肉蛋白多士) 酸種包薄薄地，幾易食。質地脆得來都易咬。材料方面，牛油果份量okay, 質地柔滑，有少少鹽 & 黑椒，整體食落去幾香滑。另一個選左珍寶蟹肉蛋白多士。蛋白整得頗結實，唔係預期中賽螃蟹嗰種軟軟嘅口感質地。蟹肉嘅感覺唔明顯，偶然只係食到一兩條蟹柳。另外有少少黑醋味喺麵包上面。整體味道偏淡，加少少鹽同黑椒會好d 。👌🏼香煎雞胸肉沙律碗 雞胸肉上到碟係暖嘅，不過質地都頗嚡，唔係整到好滑嗰種。沙律賣相好靚，有唔同材料。無花果好甜，南瓜唔甜，冇味。醬汁唔會太濃烈，甜甜地淡淡地啱啱好。另外個水煮蛋就好淡，加少少鹽好味啲。另外建議餐廳可以增加素食沙律嘅選擇，因為如果想食沙律，一係揀牛肉一係雞肉，唔想食肉果日就冇得食沙律。👌🏼素食全日早餐材料豐富，大部份材料都好味，最鍾意西蘭花芝士薯餅。而且撒咗一粒粒嘅鹽同埋黑椒粉，增加一點惹味。唯一差評係比南瓜，非常粉又唔甜，又好乾。其他全部都符合預期。建議餐廳搵d 甜d 嘅南瓜，整體滿意度會再提升。