呢到星期2-5指定時間會有Set menu, 我地當日Weekend黎, 就只有A la carte單點～
主食方面, 我地點咗➡️"All Day Breakfast", 有牛角包, 煎蛋, 煙肉, 香腸, 煙三文魚, 野菌, 蕃茄, 雜菜沙律等, 香腸外脆內彈牙, 炒野菌好香口, 份量正常, 賣相幾吸引, 打卡一流!👍🏻
另外仲點咗➡️"軟殼蟹漢堡配Shhh他他醬", 軟殼蟹炸到幾香脆, 不過就有少少偏細同略油, 反而漢堡包身幾有驚喜, 塗上蒜蓉牛油再烘, 咬落外層香脆內鬆軟, 仲配有薯條, 加$10可以轉做蕃薯薯條~
小食方面, 我地冇留意到Burger配咗薯條, 又點咗➡️"黑松露薯條"🤣🤣 每啖都有黑松露粒, 仲配有黑松露醬, 超中意食黑松露既朋友, 一定要試下!👍🏻
☕️飲品方面, 我地比➡️"Shhh’s signature" 個名吸引, 係Cafe嘅招牌當然要試下啦！賣相好靚, 味道幾得意, 係由柚子、Espresso及Lemon Juice製成, Espresso混埋檸檬汁同柚子, 口感好清新,咖啡香隨後慢慢滲出, 唔會太甜又唔會太苦, 最尾仲有少少酸味, 幾特別同醒胃🤩!
🍵而另一杯➡️"Matcha Latte", 奶味比抹茶味重, 對抹茶有整高要求既抹茶控, 就可能會覺得再濃味同苦澀少少會更好!
整體黎講, 呢到環境一流, 店內播放住柔和嘅音樂, 可以揀坐窗口位嘅話會更Chill, 不過窗口位得4個, 想坐就建議預先book啦😝！
