首先叫咗潮陽炸蝦蟹棗，炸到金黃酥脆，仲有啲蝦肉蟹肉係裡面，一咬落去既香口又鮮甜，點咩甜醬更加開胃。
梅羔醬烤骨，酸酸甜甜嘅梅羔醬，加埋有少少肉地、烤到啱啱好有少少焦香嘅排骨，好食到停唔到。
1
再嚟係下佢嘅鹵水鵝片，有豆腐墊底，一次個滿足曬我兩個願望。鵝片肥瘦適中，鵝味好重，鹵水又夠入味。
方魚炒芥蘭，加咗方魚同冬菇，令到味道更加豐富，芥蘭爽口嫩滑。
脆皮炸子雞，雞皮好酥脆，仲有色彩繽紛嘅蝦片，令到成道菜個外觀更加吸引，雞肉滑嫩多汁，令人回味無窮。
1
潮州家鄉煎蠔烙，食潮州嘢點可以唔食蠔餅！餅底煎得金黃香脆，蠔肉又多又大粒，手慢啲就畀媽媽食曬。。。
1
銀杏芋泥，好食得嚟唔會太甜，大家一致裁定為健康嘅甜品。
鴛鴦水晶包，有綠豆蓉同紫薯味，而紫薯甜而不膩，又有滿足感。
清心丸綠豆爽，清甜解膩，為晚餐劃上完美句號。
