上湯刀削麵
幾鍾意佢嘅配料係分開另上，唔會咁容易浸到冇晒味😂 我地嗌咗麻辣金沙骨同埋肥牛，配少少辣擔擔醬湯底。金沙骨先炸香再放麻辣醬。
熱拌刀削麵
入面有擔擔醬、胡麻醬、青瓜絲、蒜蓉同埋花生粒，我哋揀咗豬頸肉同埋手撕雞兩款配料，兩款都係分開另上🍝 將所有配料撈埋一齊食就更加惹味。
花雕醉雞
果然係招牌菜，非常推介呢個花雕醉雞，雞肉幾嫩滑，而且都醃得幾入味🐥 側邊仲配咗一隻溫泉蛋。
黑椒汁牛仔骨
呢個係餐廳嘅新品，份量都幾多㗎。黑椒汁幾香辣惹味，牛仔骨都唔會過分醃製🐮
飲品
配熱飲係免費嘅，不過見到佢嘅特飲同埋豆漿都好想試吓。
♦️華田爆脆
呢個係小朋友最愛嘅選擇，香濃華田底仲加埋香脆嘅阿華田脆脆🍫
♦️豆漿
豆漿汁枝裝原味豆漿，不過就冇得揀無糖。
餐廳仲提供下午茶餐，可以用更優惠嘅價錢食到豐富嘅刀削麵🤑
1
8
