美味小炒王

早幾日放假去左元朗食晚餐，二個人都未諗到食乜，打算一路行一路搵，突然想食辣野，見到馬路旁有間川菜，但好full, 失望之際，點知比我地行行下見到呢間食川菜既餐廳。位置就在嘉城廣場後面。於是，沒有想太多就坐低左，雖然就甘坐係商場入面，開張摺台甘食，不過佢d野食純絕對值得試。

我地叫左手撕雞薯粉，炸豬腸，水煮牛，3樣野都好好食，可能我地比較鍾意重口味，愈食愈上癮。重點係平時食川菜起碼都要80零蚊一碟，呢度價錢夠親民，都係5 60蚊一碟，2夠人食都好飽。