Savor Kitchen

Open Now

Now Closed

銅鑼灣有間樓上西餐廳，午餐有Lunch Set，價格親民，而晚上主打5 Course Tasting Menu，另有單店可以選擇，建議每人一份，唔夠再加。店內裝潢簡潔，座位舒適，燈光柔和，適合約會，因環境無大，有興趣可提早預約Booking，上到去先知無位就唔好啦！我哋兩個人全部Option 各一，Share食最Happy。前菜為香草牛油帶子同雞肝慕絲，前者鮮甜，後者軟綿。法式龍蝦湯味道香濃，若有麵包沾會更滋味😋主食有兩款，手工意粉軟硬度適中，淡淡紅酒香氣，上面灑滿芝士，芝士控表示滿足！手折蟹肉貝殼粉蟹肉十足，呢種粉比較少見，吸滿醬汁，食落唔膩，值得一試。牛扒同鰆魚柳各有千秋，細細塊方便食用，牛扒七成熟啱啱好，咬落嫩滑，搭配紅蔥頭蓉同黑松露牛肉汁，旁邊仲有羽衣甘藍！個人更喜歡後者，魚柳超嫩，入口即化，外皮微微脆身，可增添口感。最後以自家製芒果芭菲配椰奶雪芭，滿足！