Rural Burgerism

突然好想食漢堡包， 所以我用咗UBER EAT叫咗漢堡佬嘅外賣。今日我叫咗一個鐵板雞軟骨同流心蛋牛肉漢堡。兩樣食品嘅味道係差天共地，所以我都唔知話漢堡佬係好食定係好難食。

個雞軟骨會令到你咸到懷疑人生，食完可能會生腎石。佢有啲椰菜同洋蔥，  咸到最後成兜掉咗，我攞嚟送飯都搞唔掂

$42

三重芝士流心蛋牛肉漢堡

首先要讚一讚呢， 個流心蛋牛肉漢堡係幾好食嘅。佢出色在塊包皮，口感外脆內軟，而且包上面啲芝麻好脆同好香。加埋佢中法間嘅牛肉同配料，成個包嘅整體感覺係好得嘅。不過我上網睇人話係手打牛肉，牛肉都多汁同軟嘅，但就冇咩牛味。入面嘅蕃茄、青瓜、洋蔥都幾好食，又唔算好重醬汁味。係好評嘅

鐵板炒雞軟骨
呢一個真係食到懷疑人生，如果食晒一定會生腎石。佢咸到苦㗎，我懷疑係落咗無限次言都唔記得，人生未食過一兜咁鹹嘅嘢。入面有少少椰菜同紫洋蔥🧅，都係喊到懷疑人生。我攞嚟配自己帶嘅私家飯，都食唔落啲雞軟骨。最後為咗我嘅健康着想，係成兜放棄咗。佢份量唔算少，但真係食多粒都邁進生命嘅盡頭近一步。

所以我覺得漢堡佬嘅漢堡包係可以食，但今日第一次挑戰佢嘅小食雞軟骨係嚴重地失敗，你俾機會我食咗人生最鹹嘅一個餸。食風乾火腿都冇佢咁鹹。