Read full review
2018-01-29
465 views
今日西貢一日遊,鹽田梓玩左兩個鐘,又探完咖啡佬,仲唔醫下肚?按說好的計劃,直至去了一間文青cafe《一起果醬》其實熊妹呢幾年跟熊大黎開西貢都有經過呢間小店,亦素聞其出名自家製果醬,仲知道佢近半年係尖沙咀都開埋分店,證明佢的巿場係有實力,不過都未有機會來拜訪,所以今次係一早預定要來試一下《一起果醬》的特產同食物。熊大熊妹不嬲鐘情salad,見佢salad啲款都幾吸引,價錢都唔貴,叫左個crab meat salad with aloha vinaigrette,即熱情果醋汁。 嘩,其實蟹肉份量都唔惹少,伴菜有幾粒切半的蕃茄仔同沙律菜,個熱情果醋汁比起平時的一般伴沙律的黑醋汁帶多少少果甜仲有幾粒熱情果肉,成件事酸酸甜甜,係幾開胃。然後到主食,來一起果醬都唔少得的all day breakfast。 先講多士,係厚身的,果醬可以任揀佢11款自家一起果醬中的其中一款,熊妹好怕太甜的果醬,店員推介左呢款包含熱情果,菠蘿,木瓜同蘋果的熱帶風情,會比較酸甜啲,又真係幾好味,唔太甜而且有粒粒果肉,連埋厚多士一齊食,外皮脆,麵包質感軟熟,真係完全食出toast with jam的味道,識得咁樣配搭係al
按說好的計劃,直至去了一間文青cafe《一起果醬》
其實熊妹呢幾年跟熊大黎開西貢都有經過呢間小店,亦素聞其出名自家製果醬,仲知道佢近半年係尖沙咀都開埋分店,證明佢的巿場係有實力,不過都未有機會來拜訪,所以今次係一早預定要來試一下《一起果醬》的特產同食物。
$59
18 views
0 likes
0 comments
熊大熊妹不嬲鐘情salad,見佢salad啲款都幾吸引,價錢都唔貴,叫左個crab meat salad with aloha vinaigrette,即熱情果醋汁。 嘩,其實蟹肉份量都唔惹少,伴菜有幾粒切半的蕃茄仔同沙律菜,個熱情果醋汁比起平時的一般伴沙律的黑醋汁帶多少少果甜仲有幾粒熱情果肉,成件事酸酸甜甜,係幾開胃。
$79
14 views
0 likes
0 comments
然後到主食,來一起果醬都唔少得的all day breakfast。 先講多士,係厚身的,果醬可以任揀佢11款自家一起果醬中的其中一款,熊妹好怕太甜的果醬,店員推介左呢款包含熱情果,菠蘿,木瓜同蘋果的熱帶風情,會比較酸甜啲,又真係幾好味,唔太甜而且有粒粒果肉,連埋厚多士一齊食,外皮脆,麵包質感軟熟,真係完全食出toast with jam的味道,識得咁樣配搭係all day breakfast 入面俾客人試佢地的特產的呢份賣點係幾有生意頭腦,唔錯唔錯。
再講all day brrakfast 入面個 scrambled egg,真係令熊妹驚喜萬分。熊妹其實都幾鐘意食all day breakfast,都起碼食左10次以上唔同cafe整的all day,但呢度的scrumbled egg驚喜在有加芝士入面,真係好好好好味呀!不嬲芝士蛋係好match的配搭,但完全無遇過可以係all day breakfast度出現囉! 食過咁多次all day都係第一次食到有芝士的scrambled egg, 真係好感動。
其他的配菜仲有黑椒菌,半個蕃茄,兩條腸,兩塊煙肉同埋茄汁豆,全部都有煎過的 ,不是隨白恰的,味道就無咩特別,正常all day的造法。
$49
31 views
0 likes
0 comments
跟住仲叫左個英式鬆餅餐,有3件鬆餅包一款自家果醬同cream butter,另有單件鬆餅散叫,但只包果醬,沒有cream butter。鬆餅配cream butter不嬲都係熊妹high tea的大愛,而且熊大係度,又可以俾佢試下熊妹平時同啲太太們high tea究竟係鐘意食啲咩,所以就點了3件餐,果醬揀了熊妹喜愛的雜莓味。 鬆餅質感沒有令熊妹失望,熱乎乎的呈上,牛油的鬆化,再配合cream butter 的奶油味,鬆餅簡直是人間的極品,熊妹常常想人類究竟是如何研發出如此驚嘆的美食呢? 雜莓果醬比熱情果醬甜少少,都有粒粒藍莓肉,不過熊妹沒有搽太多,因為不想甜味蓋過cream butter 淡淡的奶油味,所以最後cream butter杯刮光光的,藍莓醬就還有剩。熊妹真係好鐘意鬆餅加cream butter,連熊大都讚口不絕,要不時得閒無事聊聊會整下蛋糕的熊妹整俾熊大食,考慮下喇,哈哈。
整體來說,menu都幾岩熊妹熊大口味,而且價錢合理,叫左3樣食物埋單都係二百蚊左右,西貢位置仲要係有自我特色的cafe,真係算唔話得。 雖然熊妹知道尖沙咀有分店同其位置,但如果再encore,熊妹始終都係鐘情於西貢總店,因為識佢在先, 同埋總認為總店會比較原汁原味,哈哈。
食完7點零,西貢都入黑嚕,西貢碼頭都亮起燈光,夜景美美的。然後熊大同熊妹趕住撘車出返去巿區睇戲嚕,完全假期,滿足。
Post