華記糖水食品 (Closed)

我一出世就住係牛頭角下村，一住都住o左20幾年，最近因為清拆而離開呢個老地方....雖然離開，但係我仍然好鐘意返去個到食o野。大家都會以為華記剩係得糖水，但其實佢個到o既車仔麵同埋飯都好抵食。我最鐘意食佢o地個到o既車仔麵，因為佢d 料唔係普通車仔麵o既料，佢會有粟米腸、豬頸肉、包心丸等等.......再加上我同個到阿姐熟，碗麵真係好大好抵食。而飯類可能只係一ｄ好普通o既午餐肉、蛋、火腿.......但係阿姐都好堅持即整，飯仲可以加底，醬汁仲好多tim，絕對係用心製作。環境一定無大餐廳咁靚，但我仍然鐘意個到好似返屋企o既感覺。