伴糖水 (Closed)

喺油尖旺地帶最出名嘅就一定係行街睇戲食飯樣樣都兼顧得到，😌通常食完飯或者睇完戲之後都會想喺返屋企之前再食多少少嘢補充一下又或者食碗糖水滋潤吓咁😗，行吓行吓喺尖沙咀呢就會發覺到唔少有Potential嘅小食甜品站，偶爾都會有唔少驚喜😝自家生磨合桃糊— 🥣一款非常經典嘅港式甜品，同芝麻糊、花生糊同埋杏仁露都平起平坐， 🥣以合桃糊相對堅果味道就重得多，生磨就可以最保留到營養價值，絲滑嘅質地再帶有香噴噴嘅合桃香氣，熱食嘅時候更感覺到濃郁嘅味道，🥣微甜再加上啖啖合桃嘅精華，又滋潤又可以補充腦部營養，非常健康有益🥣咖喱三寶撈麵— 🍜唔食甜品，都仲有第二個選擇，雖然夜麻麻食咖喱同埋撈麵，🍜似乎太邪惡，但食得一餐，當然唔好嘥咗機會，呢一個咖喱三寶撈麵嘅咖喱三寶就有咖喱豬皮咖喱魷魚同埋咖喱陳皮魚蛋，🍢每一款都非常經典，尤其是大大塊嘅咖喱豬皮完完全全吸收晒咖喱嘅味道，熱辣辣又爽又彈，份量仲要唔少，🥢而撈麵當然就係正正宗宗嘅印尼撈麵，確保每一啖都要係餸+ 麵咁先至係最享受，試問喺深夜時段識到呢啲暖笠笠嘅甜品小食將會有幾幸福呢🥰伴糖水 (尖沙咀)尖沙咀柯士甸道144號祥景樓地下D號舖