本人係糕點控，特別係新派嘅凍糕。某日喺將軍澳食完飯發現呢間鋪頭 (一見到呢個舖頭名就知道係食齋了) 見到糕點好有份量大大件咁，就買咗4件返嚟當做甜品✨
望吓個雪櫃先，都幾多款呢🥴最後揀咗杞子桂花糕、彩虹椰汁糕、蘆薈椰汁糕同芒果西米糕。
其中桂花糕比較清甜輕盈；
彩虹椰汁糕其實係喺椰汁糕入面混入七彩繽紛嘅啫喱，用嚟氹小朋友一流；
蘆薈椰汁糕會嚼到粒粒爽口嘅蘆薈；
芒果西米糕就無咩芒果味🤫 整體味道都係偏甜！
朋友講平時成日都嚟幫襯，店內仲有齋滷味、紅豆糕、紫芋糕、芝麻糕之類，要等我下次再有Quota先有機會幫襯喇😚 因為對我嚟講有點甜 (反而對佢啲酸齋有興趣)
