PizzaExpress (MOKO新世紀廣場)

Open Now

Now Closed

睇戲前有2個幾鐘時間食dinner,咁就近近地系返Moko食完行一田先睇戲,7點拎左飛,等兩張檯,無訂檯都有window seat,太好了,兩個人坐4人檯,燈光昏暗,有情調卻不拘謹,令人放鬆心情去享受美食我地叫左精選2人套餐,包括：一款頭盤+一款沙律+一款薄餅或意粉+兩杯汽水(可升級轉其他飲品)$289頭盤-意式焗肉丸,肉丸一般,肉較鬆散,蕃茄醬還可以,既煙韌又鬆軟既招牌麵包球依舊好吃,蘸牛油一流!!雞肉凱撒沙律,雞肉嫩口,烘麵包粒都幾多又大粒,但沙律醬較淡同稀。主菜-美國辣味薄餅,準備放入口已有陣陣墨西哥香辣味～咬到青色酸辣椒就辣辣地幾惹味,如果再多d芝士就好喇!!