DPD Deluxe (Closed)

細佬請食飯慶祝生日，非常有誠意，要食餐好的，揀左豪華大牌檔的精美點心❤餐，每人一個點心餐，就可以試勻所有菜式，啱曬貪心又大食的我。😘首先係一碗靚老火湯，青紅羅蔔煲豬骨，功夫非常到位，爐火純青，飲得舒暢，食得開心。🥰點心拼盆有三樣，鮮蝦餃，燒賣，菜苗餃，樣樣新鮮好味，賣相精致，清新健康得來又不失食材原味。黃金蝦球，甘香可口的鹹蛋黃，炸得鬆軟的蝦球，放在漂亮的長碟上，伴以綠菜紫葉，見到就已經流曬口水，食落更加油酥四溢，鮮香爽口，鹹香令蝦肉的鮮升上更高層次。迷你生菜包，雖然好細，但好精致，配搭得宜的粒粒食材，放在小小生菜葉和炸米粉上，再用沙律菜裝飾，個畫面設計得美倫美煥。😍最後是櫻花蝦蘆筍蛋白炒飯和鮑魚撈伊麵，廚師的心思💡匠心獨運，炒飯是紅白綠色，顏色鮮明，清新爽口，食起來猶有餘韻，欲罷不能。鮑魚伊麵配上鮮芽菜香蔥薑絲，給我這壽星一個超級壽麵。🥰謝謝細佬細心❤又破費😋🙏🙏