花旗參響螺燉水鴨，睇湯渣就知夠足料，
湯頭無味精而且無乜油！飲起黎夠簡單直接，有響螺既鮮味之餘還有鴨肉既香味，湯渣再配上辣椒豉油更有風味。
芝士焗蟹蓋帶有微微既香辣感，反而更襯托出蟹肉配芝士既香味！滿滿既餡料迫爆蟹蓋，可配上醋汁更為風味！啖啖蟹香非常滋味。
左宗棠辣雞味道比較濃香惹味，辣度都相當有風味，雞丁啖啖肉唔乾身，味道幾吸引我既味蕾。
蟹粉豆苗份量夠多，蟹粉金黃，豆苗色澤夠光澤！而且豆苗無渣，
入口味道相當討好，還帶有陣陣既蟹香。
紅燒乳鴿隻隻都夠大隻，肉嫩夠入味， 鹵水汁相當出色，味道濃而不咸！還伴上脆脆既蝦片，幾大月層次口感。
廣州荔灣豉椒炒蟹相當有風味，唔係用炸蒜炒！所以味道更為香濃入味！
蟹肉夠新鮮，醬料香味融入其中，炒得夠香夠鑊氣。
大同咖喱牛腩配荷葉飯，咖喱類都係餐廳既招牌菜式，味道香而不辣！牛腩夠嫩夠淋！再配荷葉飯，
内裡配料超多又豐富，還滲出陣陣雞潤香味。
