Sweetology (Closed)

今日行完又一城就到上次同事話好好食既甜品店-Sweetology,一嘗佢地出名甜品。首先，我叫左個all day breakfast-巴馬火煺窩夫。包含鬆脆的窩夫同忌廉芝士，巴馬火煺，香橙和雜菜沙律。份量十分充足，可以兩人同時享用都足夠。最特別的是鬆軟的窩夫，配上咸香的巴馬火煺，令原本甜甜的窩夫，產生特別口感，再加上爽脆的火箭菜，令口腔甜膩的口感沖淡。 之後，我再叫多個綠茶窩夫伴侶定食，黎到既時候真係嚇一嚇，因為份量十分巨大，相信可以給四人享用，綠茶雪糕加上鮮忌廉，再配上紅豆，真係令窩夫的甜咪帶出，相信係我食咁多間綠茶窩夫中最好食的一間，因為綠茶雪糕，除了有濃香的綠茶味外，而且還有大量的3.6牛奶味，相信在雪糕中加入了正宗北海道3.6牛奶。之後，我再叫多個守治金時疏夫里，疏夫里係用上名貴的杯載上，非常吸精，而且疏夫里中間用上紅豆蓉，加上底部又有綠茶蛋糕，令整個甜品帶有綠茶同紅豆既味道。